Դոնեցկի «Շախտյոր»-ն իր երկրպագուներին առաջարկել է աշխարհի վերջը դիմավորել՝ առաջիկա ուրբաթ օրն այցելելով ակումբի թանգարան:
«Թաքնվեք աշխարհի վերջից «Շախտյոր»-ի թանգարանում: Դեկտեմբերի 21-ին հայտարարվում է բաց դռների օր: Դիմավորեք մայաների օրացույցի վերջին օրը «Շախտյոր»-ի երկրպագուների ջերմ մթնոլորտում»,- նշված է ակումբի պաշտոնական կայքում:
Հիշեցնենք, որ 2012 թվականի դեկտեմբերի 21-ին ավարտվում է մայաների օրացույցը, ինչը ոմանց տեղիք է տվել մտածելու, որ այդպիսով մայաները կանխագուշակել են աշխարհի վերջը:
