ԱՄՆ նախագահ Բարաք Օբաման Նյութաունում, որտեղ Սենդի Հուքի տարրական դպրոցում տեղի էր ունեցել հրաձգություն, հայտարարել է, որ առավելագույն ջանքեր կներդնի, որպեսզի այդպիսի ողբերգություններն այլևս չկրկնվեն` փոխանցում է BBC-ի ռուսական ծառայությունը:
Կոնեկտիկուտի Սենդի Հուքի տարրական դպրոցում հրաձգության զոհ էր դարձել 26 մարդ, այդ թվում` 20 երեխա:
Դիմելով քաղաքի բնակիչներին` Օբաման ասել է, որ ԱՄՆ-ը պետք է փոխի մոտեցումը զենք կրելու մասին օրենքում:
«Երկիրը պետք է պատասխանի դժվար հարցերին»,- ավելացրել է Օբաման:
Նյութաունի դպրոցի վրա հարձակվել էր, ենթադրաբար, 20-ամյա Ադամ Լանզան, որը, հնարավոր է, ավելի վաղ սովորել է այդ դպրոցում: