Իսրայելից մանրամասներ են հայտնի դառնում հրեական «մեսիական» աղանդի անդամների գործունեության մասին, ովքեր կանանց ստիպում են սեռական հարաբերություններ ունենալ ոչ հրեաների հետ փրկության և թողության նպատակով: Այս մասին գրում է Korrespondent.net-ը:
Ոստիկանությունը երկու տղամարդու և երկու կնոջ է ձերբակալել սեռական շահագործման կասկածանքով:
Բացի այդ, կանանց վարժեցրել են ալկոհոլին և թմրանյութերին, որոնց ազդեցությամբ նրանք համաձայնել են մարմնավաճառությամբ զբաղվել:
Նշվում է, որ «մեսիական» սեքսով զբաղվել են մոտ կես տասնյակ կանայք, որոնց մի մասը դեռևս չափահաս չէ: Նրանց հաճախորդներն են եղել պաղեստինցիներ և Թել-Ավիվում աշխատող օտարերկրացի բանվորներ:
