The Daily Mail-ի լրագրողների կողմից ձեռք բերված փաստաթղթերը վկայում են այն մասին, որ Հոլիվուդի լեգենդ Մերիլին Մոնրոն եղել է լեսբուհի ու ինտիմ կապ ունեցել գերմանացի հրեա Նատաշա Լայտեսի հետ, ով դասավանդել է դերասանի վարպետություն:
Համաձայն նշված աղբյուրի՝ կանայք համատեղ ապրել են որպես «ամուսին ու կին» 1948-1955 թվականներին:
Մերիլինը, ով 3 անգամ ամուսնացել է, սիրավեպեր է ունեցել դերասանուհիներ Ջոան Քրոուֆորդի, Մարլեն Դիտրիխի ու Բարբարա Սթենվիկի հետ, ինչպես նաև դերասաններ Մառլոն Բրանդոյի, Ֆրենկ Սինատրայի, ԱՄՆ նախագահ Ջոն Քենեդու ու նրա եղբոր՝ Ռոբերտի հետ:
Հոդվածում նշվում է, որ Մերիլինին գրած Նատաշայի նամակներում մանրամասներ կան նրանց ինտիմ կապից: Լայտեսը պատմել է այդ սիրավեպի մասին 1962-ին՝ Մերիլինի մահից հետո:
Կանայք առաջին անգամ հանդիպել են 1946-ին, երբ Մերիլինը 20 տարեկան էր: «Նա չէր կարողանում խոսել, վախենում էր բացել բերանը ու ընդհանրապես՝ ամեն ինչ նրան վախեցնում էր: Նա միշտ մերկ էր քայլում տանը, ամեն օր մերկ, ու ես չեմ չափազանցում՝ միշտ տառապում էր անվստահությունից»,- այսպես է նկարագրում երիտասարդ դերասանուհուն Նատաշան:
Լայտեսը պնդում է նաև, որ Մերիլինը հուսահատ կառչում էր ամեն ինչից, ինչ իրեն դարձնում էր սեքս- խորհրդանիշ, քանի որ կարծում էր, որ բացի սեքսուալ գրավչությունից՝ ոչինչ չունի: Միևնույն ժամանակ՝ նա ատում էր սեքսը, վախենում մտերիմ հարաբերություններից ու տանել չէր կարողանում, երբ իրեն սեքսուալ էին անվանում:
Նատաշան մահացել է քաղցկեղից՝ 1964-ին:
