Ճապոնիայում հրապարակվել է ճապոնացի գիտնականների 24 տարվա աշխատանքի արդյունքը՝ նախորդ կայսր Սյովայի կյանքի 12.000-էջանոց ամբողջական նկարագրությունը: Այս մասին հայտնում է Ria Novosti-ն՝ հղում անելով Կայսերական արքունիքի ղեկավարությանը:
Սյովա կայսեր կառավարումը (1901-1989) եղել է ամենաերկարատևը Ճապոնիայի պատմության մեջ և համընկել է Երկրորդ համաշխարհային պատերազմի, Հիրոսիմայում և Նագասակիում ատոմային ռումբերի պայթյունի, Ճապոնիայի կապիտուլյացիայի և ամերիկյան օկուպացիայի, Տոկիոյում Օլիմպիական խաղերի (1964), երկրի վերականգնման ու Ճապոնիայի՝ աշխարհի երկրորդ տնտեսությանը վերածվելու ժամանակաշրջանի հետ: Նրա կենսագրությունը մոտ 1.5 անգամ մեծ է, քան մինչ այս ամենածավալուն գործը՝ Մուցուհիտո կայսեր (1867-1912) կյանքի պատմությունը:
Սյովայի կենսագրությունը կազմված է 3.000 պատմական փաստաթղթից, որոնցից 40-ն առաջին անգամ են հրապարակվել:
Կայսեր կենսագրությունը պատմող գրքի վրա աշխատանքները սկսվել էին նրա մահից կարճ ժամանակ անց՝ 1990թ. մայիսին, 2014-ի օգոստոսին աշխատանքը ներկայացվել է կայսերական ընտանիքին:
