ՄԱԿ-ի ծովային իրավունքի միջազգային դատարանը շաբաթ օրը պարտավորեցրել է Գանային` ազատ արձակել արգենտինական «Լիբերտադ» արագընթաց հածանավը, որը բռնագրավված է եղել հոկտեմբերին Գանայում` NML Capital միջազգային ֆինանսական հիմնադրամի հայցային պահանջով: Այս մասին հաղորդում է «Ֆրանս Պրեսս» գործակալությունը։
NML Capital-ը Բուենոս Այրեսից պահանջում է կառավարական արժեթղթերի վճարում, որը դադարեցվել է 2001-2002 թվականներից՝ երկրում սկիզբ առած տնտեսական ճգնաժամի պատճառով։
NML Capital Ltd-ն Elliot Capital Management հիմնադրամի մասնաճյուղն է, որը ղեկավարում է միլիարդատեր Փոլ Սինգերը (նրա կարողությունը, ըստ Forbes-ի տվյալների, 1,1 մլդ դոլար է)։ Սինգերը նաև գլխավորում է փոխառուների խմբին. վերջիններս պահանջում են արգենտինական արժեթեղթերի վճարումները, որոնք նրանք ցածր գներով գնել էին 2002-ի ֆինանսական ճգնաժամի ժամանակ։ Ըստ արգենտինական մամուլի գնահատականների՝ այդ գումարը կազմում է 370 մլն դոլար։
