Աֆղանստանում հերթապահող ֆանսիական զինված ուժերի վերջին ստորաբաժանումները լքել են այդ երկրի տարածքը: 35-րդ Բելֆորյան հետևակի մոտ 200 զինծառայողներ, որոնք պատասխանատու էին ֆրանսիական զորակազմի դուրսբերման ժամանակ անվտանգության համար, դուրս են եկել Քաբուլից:
Զինծառայողները պետք է բարձրլեռնային պայմաններում երկար ժամանակ մնալու պատճառով Կիպրոսում եռօրյա վերականգնողական կուրս անցնեն: Նրանք հայրենիք կվերադառնան դեկտեմբերի 18-ին, փոխանցում են ԶԼՄ-ները:
Այսպիսով Ֆրանսիան ծրագրվածից երկու տարի շուտ ավարտեց Աֆղանստանում անվտանգության ապահովման ուղղությամբ միջազգային ուժերի ռազմական գործողություններին մասնակցությունը: Աֆղանստանից ֆրանսիացի զինվորների դուրսբերումը Ֆրանսիայի նախագահ Ֆրանսուա Օլանդի նախընտրական խոստումներից էր:
Նոր տարում Աֆղանստանում ծառայությունը կշարունակի 1 500 ֆրանսիացի զինվորական` հիմնականում` լոգիստիկայի մասնագետներ, բժիշկներ և հրահանգիչներ:
Հիշեցնենք` նեյեմբերի 30-ին Հունաստանի զինված ուժերն ավարտել են իրենց ստորաբաժանումների դուրսբերումն Աֆղանստանից:
2002-ից ի վեր 33 առաքելությունների կազմում Աֆղանստան է ժամանել 3.295.000 զինծառայող, որոնց ծառայության ժամկետը եղել է 3-6 ամիս, հայտնում է rosbalt.ru-ն:
