Մինչև 1917թ. Ռուսաստանում մշակույթի ոլորտում պետական կոչումներ և պարգևներ չեն եղել: Դրանք սկսել են շնորհվել խորհրդային տարիներին: «Ժողովրդական արտիստ» կոչումը սահմանվել է 1918-ին, և այդ կոչմանն առաջինը արժանացել է հանճարեղ Ֆեոդոր Շալյապինը:
1931-ի օգոստոսի 10-ից շնորհվել է «ՌԽՍՀ վաստակավոր արտիստ» կոչումը: Նկարիչներին, ճարտարապետներին, կոմպոզիտորներին շնորհվել է «Արվեստի վաստակավոր գործիչ» կոչումը:
1936-ի սեպտեմբերի 6-ից սահմանվել է «ԽՍՀՄ ժողովրդական արտիստի» կոչումը այն անձանց համար, ովքեր «հատկապես աչքի են ընկել խորհրդային թատրոնի, երաժշտության և կինոյի զարգացման գործում»: Դա առաջին բարձրագույն և պատվավոր կոչումն էր: Ավելի ուշ ի հայտ եկան ժողովրդական ուսուցիչներ, ժողովրդական նկարիչներ և ժողովրդական ճարտարապետներ:
