Այսօր «Մոսկվա» կինոթատրոնում տեղի ունեցավ «Մեր սրտի տնակը» գեղարվեստական ֆիլմի առաջին ցուցադրությունը, որը կազմակերպվել էր հատուկ լրատվամիջոցների համար: Ֆիլմի ռեժիսորն է Հրաչ Քեշիշյանը: Ֆիլմում նկարահանվել են հայ և ռուս դերասաններ: Գլխավոր դերերում են Խորեն Լևոնյանը, Արմեն Ջիգարխանյանը, Եկատերինա Ստրիժենովան և Մարիա Սյոմկինան: Ֆիլմի կոմպոզիտորն է Հայկոն:
Եկատերինա Ստրիժենովան իր խոսքում նշեց, որ առաջին անգամ է, որ ֆիլմում տատիկի կերպար է մարմնավորում:
«Ես հասկացա, որ եթե Արմեն Ջիգարխանյանը համաձայնել է նկարահանվել, սա որակի նշան է»,- ասաց Եկատերիա Ստիրժենովան՝ հավելելով, որ հիմա կարող են պրոցեսի մասին խոսել, քանի որ արդյունքը դեռ չեն տեսել: Սպասում էին պրեմիերային:
«Անցնում ենք դժվարին, տեխնոգեն ժամանակներ, և այդ պարագայում պետք է անընդհատ փորձ անել խոսելու ընտանիքի մասին, այն բոլոր արժեքների մասին, որոնք ոչ միայն մենք՝ հայերս կարող ենք կորցնել, այլև առօրյա ընթացքի մեջ կարող են մոռացվել, և վերադարձը դեպի ընտանիք, դեպի ընտանեկան ավանդույթներ շատ կարևոր է»,-հավելեց Հրաչ Քեշիշյանը: Նրա խոսքով՝ սա ֆիլմ է ընտանիքի և հայրենիքի մասին:
Դերասան Խորեն Լևոնյանը հուզված էր՝ դեռ ֆիլմը չէր դիտել: Նա նշեց, որ այս քառասուն տարիների մեջ առաջին և եզակի ֆլիմերից մեկն է, որ հայ մարդն իր ազգի հետ շփվելուց խայտառակ չի լինում, խայտառակ չի ներկայանում աշխարհին։ «Յուրաքանչյուր հայ, ով ապրում է Ռուսաստանում, կարող է ծեծել իր հարևանի դուռ ը և ասել՝ մի հատ կնայես այս ֆիլը, և հաստատ երկու ազգի ներկայացուցիչները կնայեն այս ֆիլմն ու մեծ բավականություն կստանան»,- ասաց Խորեն Լևոնյանը:
Ավելին՝ տեսանյութում:
