Ռուսական Interfax լրատվական գործակալության փոխանցմամբ՝ Վրաստանի արտգործնախարար Մայա Պանջիկիձեն այսօր արձագանքել է Բելառուսի նախագահ Ալեքսանդր Լուկաշենկոյի հայտարարությանը, որում նա Վրաստանին կոչ էր անում վերադառնալ ԱՊՀ և ուշադրությունը կենտրոնացնել Աբխազիայի ու Հարավային Օսիայի հետ իր հարաբերությունների վրա.
«Վրաստանն արդեն իսկ ընտրել է իր արտաքին քաղաքական ուղին և մտադիր չէ վերադառնալ ԱՊՀ: Մենք շատ շնորհակալ ենք նախագահ Լուկաշենկոյին՝ վրացական օկուպացված ու չճանաչված տարածքների նկատմամբ նրա դիրքորոշման համար, սակայն, դժբախտաբար, մենք չենք կարող համաձայնել ԱՊՀ-ի կազմ Վրաստանի վերադառնալու մասին նրա հրավերին, քանի որ Վրաստանն արդեն իսկ ընտրել է իր արտաքին քաղաքական ուղին»:
Հիշեցնենք, որ 1993 թվականի դեկտեմբերի 3-ին Վրաստանն անդամակցել է ԱՊՀ-ին, իսկ 2009 թվականի օգոստոսի 18-ին պաշտոնապես լքել է այն: