Որոշ զբոսաշրջուհիներ ճանապարհորդությունները դիտարկում են որպես կորսված սեքսուալությունը վերադարձնելու միջոց։ Այն վերածվում է պատահական սեռական կապերի։ Բազմաթիվ կանանց խոսքերով՝ հանգստանալիս նրանք «իրենց տղամարդ են զգում»։ Ինչպես նշում են Իլինոյսի համալսարանի աշխատակիցները, որոշ կանայք ազատագրվում են երկակի սեքսուալ ստանդարտներից և պատրաստ են առանց պարտականությունների հարաբերությունների, գրում է The Hindustan Times–ը։
Հետազոտության հիմք են ծառայել հարցազրույցները 34 իսրայելուհիների և ամերիկուհիների հետ։ Պարզվում է՝ որոշ տուրիստական ուղղություններ և տուրիստական փորձը ստեղծում են իրականության փոփոխված զգացողություն։ Այսինքն՝ ռիսկերի հասկացությունը բթանում է, ինչը հանգեցնում է երկարատև հետևանքների։ Մասնավորապես, հանգստի որոշ տեսակներ հրապուրում են հատկապես նրանով, որ դրանք խիստ տարբերվում են առօրյա կյանքից, քարացածության վարքից։
Ի դեպ, արձակուրդը կարող է իջեցնել մարդկանց IQ-ն։ Էրլանգենի համալսարանի հետազոտոները պարզել են, որ խնդիրներն սկսվում են դեռ նախապատրաստական փուլում, մասնավորապես, երբ մարդը ճամփորդությունը պատվիրում է ինտերնետում, հատկապես եթե այդ պրոցեսը կապված է էլեկտրոնային հաղորդակցությունների երկարատև փոխանակությամբ։ Ավելի վաղ հոգեբաններն արդեն ապացուցել էին, որ «ռմակոծությունները» e-mail-ին կարող են IQ-ի մակարդակը նվազեցնել 10 կետով (այն առավել բացասական էֆեկտ է ուենենում, քան կանեփի մեծ չափաբաժինների օգտագործումը)։
Այնուհետև մարդը բախվում է բազմաթիվ սթերսների, որոնք ուղեկցում են ժամանակակից ճանապարհորդին։ Դրանց մեջ են մտնում վախը ավիավթարից և չնախատեսված արտակարգ իրավիճակները։ Այստեղից էլ օրգանիզմում սթերսի հորմոնի՝ Կորտիզոնի բարձրացումը։ Դրա առատությունը բերում է գլխուղեղի հիպոկամպի շրջանում բջիջների վնասման, ինչն էլ իր հերթին բացասաբար է անդրադառնում կարճաժամկետ հիշողության վրա և հանգեցնում է ուշադրության կենտրոնացման նվազմանը։
Պրոֆեսոր Լերլի տվյալներով՝ 14 օրվա լիակատար հանգիստը IQ-ն կարող է նվազեցնել 20 կետով։ Վտանգավոր հետևանքներից խուսափելու համար, համարում են գիտնականները, անհրաժեշտ է մարզել ուղեղը. օրական թեկուզ 10 րոպե խաղալ ինտելեկտուալ, խթանող խաղեր՝ շախմատ կամ սկրաբլ։ Նրանք նաև խորհուրդ են տալիս ծամոն ծամել, որը տանում է արյան հոսքը ուղեղ և բարձրացնում ուշադրության մակարդակը։
