Ուկրաինայի նախագահ Պյոտր Պորոշենկոն հանդիպել է Գերմանիայի դաշնային կանցլեր Անգելա Մերկելի հետ, որն այսօր մեկօրյա աշխատանքային այցով ժամանել է Կիև: Այս մասին հայտնում է unian.net-ը:
Հանդիպման սկզբում Պորոշենկոն խորհրդանշական է անվանել փաստը, որ Անգելա Մերկելի այցը տեղի է ունենում Ուկրաինայում պետական դրոշի տոնի օրը ու Անկախության օրվա նախօրեին:
Նա նաև ասել է, որ Ուկրաինան ներկայում միասնական է՝ ինչպես երբևէ, և տեղի է ունենում երկրի պատմության մեջ «շատ ողբերգական թեստ»:
Պորոշենկոն նշել է, որ ըստ վերջին տվյալների՝ քաղաքացիների կողմից անկախության աջակցության մակարդակը ներկայում ավելի բարձր է, քան 1991-ին, երբ երկիրն այն ստացավ:
Ուկրաինայի նախագահը շնորհակալություն է հայտնել Գերմանիայի ժողովրդին Ուկրաինային աջակցելու համար խաղաղության ու դեմոկրատիայի հասնելու ճանապարհին:
Իր հերթին, Մերկելը նշել է, որ մտադիր է Կիևում քննարկել Ուկրաինային վերջինիս համար ծանր օրերին Գերմանիայի կողմից աջակցության հարցը:
