Ավստրալիայի Մելբուռն քաղաքի հիվանդանոցը սխալմամբ բժիշկներին հայտնել է նրանց 200 ողջ հիվանդների մահվան մասին՝ հայտնում է ավստրալական Herald Sun պարբերականը:
Հիվանդներին բուժող բժիշկները ֆաքսով հուլիսի 30-ին Օսթինի հիվանդանոցի կողմից տեղեկություն էին ստացել այն մասին, որ իրենց հիվանդները, որոնք իրականում մեկ օր առաջ դուրս էին գրվել հիվանդանոցից, մահացել են:
Ինչպես ավելի ուշ հայտնի է դարձել, ձևաթուղթը, որը ուղարկվում է բուժող բժշկին հիվանդի մահվան դեպքում, սխալմամբ պահպանվել է հիվանդանոցի աշխատակիցների կողմից որպես ստանդարտ թուղթ:
Հիվանդանոցի վարչակազմը հայտնաբերել էր սխալը էլեկտրոնային համակարգում ու այդ մասին տեղեկացրել բուժող բժիշկներին՝ մինչ այն պահը, երբ վերջիններս իրենց հիվանդների մահվան մասին կհայտնեին նրանց բարեկամներին:
Ավելի ուշ հիվանդանոցի ղեկավարությունը ներողություն է խնդրել թույլ տրված սխալի համար:
