2012 թվականի հունվար-հոկտեմբեր ամիսներին Լոռու մարզի արդյունաբերական ձեռնարկություններն ընթացիկ (գործող) գներով թողարկել են 52,194 մլն դրամի արդյունաբերական արտադրանք` 2011 թվականի հունվար-հոկտեմբերի 50,355 մլն դրամի դիմաց: Աճի տեմպը կազմել է 103.7 %, բացարձակ թվով աճը` 1,839.79 մլն դրամ:
Մարզի կայքի պաշտոնական տվյալների համաձայն՝ 2012 թ. հունվար-հոկտեմբեր ամիսների ցուցանիշներով մարզի արդյունաբերության հիմնական տեսակների ծավալները, աճերը և դրանց տեսակարար կշիռներն ունեն այսպիսի տեսք. մշակող արդյունաբերություն՝ 41,919.12 մլն դրամ, ծավալի աճի ինդեքսը` 100.0 % և տեսակարար կշիռը` 80.3 %, հանքարդյունահանումը համապատասխանաբար` 8,261.45 մլն դրամ, 131.1 % և 15.8 %, էլ.էներգիայի արտադրությունը` 2,014.30 մլն դրամ, 93.5 % և 3.9 %:
