Apple ընկերությունը հայտարարել է, որ ամբողջ աշխարհում իր աշխատակիցների 30%-ը կին է՝ գրում է The Wall Street Journal-ը: Պարբերականը նշում է, որ այդ ցուցանիշը Google-ի և Yahoo-ի նույն տվյալների մակարդակի վրա է:
Իսկ ԱՄՆ-ում Apple-ի անձնակազմի 55%-ը սպիտակամորթ է, 15%-ը՝ ասիացի, 11%-ը՝ Լատինական Ամերիկայից գնացածներ, 7%-ը՝ աֆրոամերիկացի:
Կից նամակում Apple-ի ղեկավար Թիմ Կուկը նշել է, որ որպես ընկերության ղեկավարի՝ իրեն չեն բավարարում տվյալ թվերը: «Դրանք մեզ համար ինչ-որ նոր բան չեն, և մենք որոշ ժամանակի ընթացքում համառորեն աշխատել ենք դրանց բարելավման ուղղությամբ»,- ավելացրել է նա:
Կուկի խոսքով՝ ընկերությունը կշարունակի նորարար մնալ ոչ միայն իր արտադրանքի մշակման, այլև էթնիկ և սոցիալ-մշակութային բազմազանության զարգացման հարցում:
