«Ներկա պահին՝ այս լարվածության ընթացքում, մեծ ներքաղաքական զարգացումները, որոնք առանց այդ էլ ակտիվ չէին, այս օրերին հաստատապես ժամանակավրեպ են, որովհետև երբ ընդդիմությունը ներքաղաքական ծրագիր էր առաջարկում, ապա դրանում պետք է լինեին արտաքին քաղաքականության կոմպոնենտներ, որոնք երբևէ չեն եղել: Միայն 12 կետերը դրա վառ ապացույցն են, որոնք լավ ձևակերպված ժողովրդական դժգոհություններ են»,- այսօր «Առաջին լրատվական»-ի հետ զրույցում ասաց «Ազատ դեմոկրատներ» կուսակցության փոխնախագահ Անուշ Սեդրակյանը՝ պատասխանելով մեր այն հարցին, թե սահմանային լարվածության ֆոնին ներքաղաքական ի՞նչ զարգացումներ է հնարավոր ակնկալել:
«Ընդդիմությունն այս օրերին էլ կարող է ազատ շարունակել իր պայքարը, բայց պետք է դրան զուգահեռ՝ լինի պետությունը չկործանելու կոմպոնենտը:
Ես, օրինակ, այս օրերին սպասում էի, որ ընդդիմությունը կհայտարարի դիրքերում գտնվող զինվորներին որոշակի օգնություն հատկացնելու մասին և հանդես կգա այլ նախաձեռնություններով: Բայց այդպիսի որևէ քայլ ես դեռ չեմ տեսել: Ընդդիմությունը երկու տակտիկա պետք է ունենա. մեկը՝ խաղաղ ժամանակի համար, մյուսը՝ ակտիվ ռազմական գործողությունների»,- հավելեց Սեդրակյանը:
Վերջինս անդրադարձավ նաև ղարաբաղա-ադրբեջանական սահմանին առկա լարվածության ֆոնին ՀԱՊԿ-ի լռությանը: Նրա կարծիքով՝ ՀԱՊԿ-ը միշտ լռելու է, պահպանելու է անտեղյակության շղարշը՝ այն պարզ պատճառով, որ իրենք արդեն իսկ չարաշահել են իրենց լիազորությունները Ուկրաինայում:
«Եվ հետո՝ ռուս զինվորը երբեք չի զոհվելու հայի կամ ադրբեջանցու անվտանգության համար: Դա պետք է միշտ հիշել»,- նկատեց քաղաքագետը:
Առավել մանրամասն՝ տեսանյութում:
