Ամերիկյան Ֆլորիդա նահանգում արձակվել է Atlas 5 հրթիռակիրը՝ նոր սերնդի նավիգացիոն արբանյակով, որը կլրացնի GPS ուղեծրային խումբը: GPS 2F ապարատով հրթիռն արձակվել է ԱՄՆ ռազմաօդային ուժերի բազայից՝ Երևանի ժամանակով 07:23-ին:
GPS 2F-ը ուղեծիր է դուրս բերել United Launch Alliance ընկերությունը: Արբանյակը տեղակայված է եղել կրիչի վերին հատվածում:
Արձակումից մոտավորապես 3.5 ժամ հետո արբանյակը ուղեծրում պետք է հայտնվի մոտ 20.4 հազար կմ բարձրության վրա: Այնուհետև մասնագետները կսկսեն թեստավորել սարքավորումը, իսկ եթե դա հաջող ընթանա, ապա այն կսկսի ծառայել:
