Տան սպասքը կարող է պարունակել վտանգավոր բռնկվող միացություններ: Նրանցից որոշները քաղցկեղ են առաջացնում առնետների մոտ՝ հաղորդում է The Star-ը՝ հղում կատարելով Environmental Science և Technology-ին:
Ըստ մասնագետների՝ բազմոցների կեսից ավելին պարունակում են TDCPP: Տվյալ քիմիկատը արգելել են կիրառել մանկական հագուստում ավելի քան 30 տարի առաջ: TDCPP-ն փոխարինող է դարձել պոլիբրոմդիֆենիլային եթերների համար, որոնք արգելված են ԱՄՆ-ում ու Կանադայում: Իհարկե, դրանք կարող են լինել այլ օտարերկրյա արտադրանքում:
Որպես կանոն, փափուկ կահույքը լցնող փրփուրը 4-6%-ով բաղկացած է հրակայուն միացություններից: Դրան գումարած կահույքում անակնկալ կերպով հայտնաբերել են այլ հրակայուն միացություններ, որոնք ավելի վաղ չէին երևում անալիզի ժամանակ: Օրինակ՝ Firemaster 550-ը առաջացնում է ոսկրային համակարգի քայքայում և ախտահարում է իգական սեռի կրծողների սեռական օրգանները:
Սայլնթ Սփրինգի համալսարանն անցած շաբաթ հրապարակել է հետազոտության տվյալները: Համաձայն հավաքված տվյալների՝ վտանգավոր միացությունները պարունակվում են փոշու և բնակելի տների օդում:
