Ադրբեջանական Trend լրատվական գործակալության փոխանցմամբ՝ Վրաստանի նախագահ Միխեիլ Սաակաշվիլին այսօր Զուգդիդի (Արևմտյան Վրաստան) իր նստավայրում հանդիպել է տեղական իշխանությունների ներկայացուցիչների հետ: Մինչ այդ Սաակաշվիլին այցելել է Անակլիա և Լազիկա, ուր զննել է տեղի սառեցված շինարարությունը.
«Անակլիայում և Լազիկայում շինարարական աշխատանքների դադարեցմամբ մենք կորցրինք 6700 աշխատատեղ: Անակլիայի բոլոր օբյեկտներում թափառում են կովերը՝ թեև նախկինում դրանք ցանկապատվել էին: Նորից սկսվել է ճահճացման գործընթաց: Պետք է մաքրել ջրանցքները»:
Սաակաշվիլին հավելել է, որ Զուգդիդում շարունակվելու է Արդարադատության տան կառուցումը:
