Թուրքական tumgazeteler.com կայքի հաղորդմամբ, Թուրքիայի վարչապետական ապարատին կից մամուլի և տեղեկատվության վարչությունը (Byegm) հրապարակել է Թուրքիայի քաղաքական, տնտեսական և մշակութային ճանաչմանը նվիրված «Թուրքիա» տարեգիրքը:
Այս անգամ այդ ճանաչողական տարեգիրքը հրապարակվել է 11 լեզուներով. թուրքերեն, անգլերեն, ֆրանսերեն, գերմաներեն, արաբերեն, ռուսերեն, ճապոներեն, իսպաներեն, պորտուգալերեն, չինարեն և պարսկերեն: Վերջինս ավելացվել է այս տարի, ինչի համար հաշվի է առնվել այն հանգամանքը, որ համայն աշխարհում պարսկերենով խոսողների թիվը հասնում է մոտ 80 միլիոնի:
Գրքում ներկայացված են նախորդ տարի Թուրքիայում իրականացված և տարբեր ոլորտներին առնչվող բարեփոխումները, Թուրքիայի քաղաքական, տնտեսական, մշակութային ու պատմական առանձնահատկությունները, երկրի բնական գեղեցկությունները և վերջապես արտաքին քաղաքականության հիմնական սկզբունքները:
Նախորդ տարվա նման այս տարի էլ գրքի «Արտաքին քաղաքականության» բաժնում իր ուրույն տեղն է զբաղեցրել «1915 թվականի Հայոց ցեղասպանության «անհիմն» պնդումների» հատվածը:
