«Եթե մենք խոսում ենք Պաղեստինի ղեկավարության մասին, ուրեմն այն մենք ենք, քանի որ մենք հաղթել ենք ընտրություններում: Մյուս կողմից մեր մրցակիցները չճանաչեցին տվյալ հաղթանակը և դեմ դուրս եկան ազգային կոալիցիոն կառավարության ձևավորմանը»,- իրանական ԶԼՄ-ների հետ հարցազրույցում հայտարարել է ՀԱՄԱՍ-ի ներկայացուցիչ Հալիդ Քադումին:
Հալիդ Քադումին ասել է նաև, որ ՀԱՄԱՍ-ի ռազմական ուժն ավելի հզոր է, քան 10 տարի առաջ. «Առաջխաղացում է նկատվում նաև հրթիռային պոտենցիալի, պարտիզանական կռիվների և բաց տարածության մեջ օկուպանտների հետ մարտերի ոլորտում: İzzeddin Qassam-ի հրթիռային ուժի հզորությունը նկատելիորեն աճել է, ինչը նշանակում է, որ վտանգի շառավիղը ծածկում է 80 կմ: Իսկ դա նշանակում է, որ մենք կարող ենք հարվածել Թել Ավիվի ուղիղ սրտին»:
Հալիդ Քադումին նաև նշել է, որ եթե Իսրայելը մարտահրավեր նետի Իրանին, ապա ՀԱՄԱՍ-ն իր հրթիռները կուղղի սիոնիստական ռեժիմի դեմ:
