Ոստիկանության քննչական գլխավոր վարչության Երևանի քննչական վարչության Ճանապարհատրանսպորտային հանցագործությունների քննության բաժնի քննիչ Կարեն Գրիգորյանի կողմից նյութեր են նախապատրաստվում երեկ՝ դեկտեմբերի 2-ին, Երևանում տեղի ունեցած վրաերթի փաստով:
Ինչպես հայտնում է shamshyan.com-ը, ժամը 15:00-ի սահմաններում, Երևան քաղաքի Փափազյան փողոցի բնակիչ, 39-ամյա Ռուդոլֆ Պետրոսյանը, վարելով «Աուդի A6» մակնիշի 15 VV 005 համարանիշի ավտոմեքենան, Մարգարյան փողոցի թիվ 22 շենքի դիմաց վրաերթի է ենթարկել նույն փողոցի բնակիչ, 11-ամյա Գոհարիկ Քամալյանին: Հիվանդանոցից հայտնել են, որ երեխայի կյանքին և առողջությանը վտանգ չի սպառնում:
shamshyan.com-ը հայտնում է, որ վրաերթից հետո վարորդը փախուստի չի դիմել: Վրաերթի ենթարկվածը տեղափոխվել է Երևանի թիվ 1 համալսարանական հիվանդանոց: Վերջինս սովորում է Երևանի թիվ 168 դպրոցի 6-րդ դասարանում:
Քննիչի հանձնարարականով ավտոմեքենան տեղափոխվել է Երևանի ՃՈ հատուկ պահպանման տարածք:
