Եվրոպական խորհրդի նախագահ Հերման վան Ռոմպեյը ԵՄ անդամ երկրների 28 առաջնորդների նամակ է հղել` առաջարկելով Բրյուսելում կազմակերպության անդամների դեսպաններին լիազորել հավանության արժանացնելու Ռուսաստանի դեմ պատժամիջոցները պաշտպանության, ֆինանսների և տեխնոլոգիաների ոլորտում` ոչ մի գագաթնաժողով չգումարելով, ինչն էլ թույլ կտա դրանք ընդունել հուլիսի 29-ին: Այս մասին ITAR-TASS-ին հայտնել է ԵՄ խորհրդում գտնվող աղբյուրը:
Նրա խոսքերով` ԵՄ երկրների միջև նոր տարաձայնություններից խուսափելու համար պատժամիջոցների ողջ փաթեթում նա առաջարկել է «դադարեցնել Ռուսաստանին նոր տեխնոոլոգիաներ մատակարարել ոչ թե ամբողջ էներգետիկ, այլ միայն նավթարդյունահանման ոլորտում»:
«Այսպիսով, գազի արդյունահանման ոլորտում տեխնոլոգիաները պատժամիջոցների ներքո չեն հայտնվի, ուստի չի լինի նաև դրանց հաստատման գործընթացում գլխավոր հարցերից մեկը»,- ասել է դիվանագետը։
