Սիրիայի մայրաքաղաք Դամասկոսում, որտեղ շուրջ մեկուկես տարի հակամարտություն է ընթանում երկրի կառավարության և զինված ապստամբների միջև, կյանքն օր օրի վերադառնում է նախկին հունին։ Այս մասին հաղորդում է RIA Novosti-ն:
Քաղաքում վերականգնվել են կապի բոլոր միջոցները, ներառյալ՝ համացանցային և բջջային կապը:
Քաղաքի կենտրոնական մասում աշխատում են պետական և մասնավոր գրասենյակները, բացվել են դպրոցները և խանութները: Քաղաքի շուկաներում վերականգնվել է սննդի և հագուստի առևտուրը:
Այն մասին, որ երկրում շարունակվում է զինված հակամարտությունը, հիշեցնում են բազմաթիվ բանակային պարեկները, որոնք վերահսկում են մայրաքաղաքի ճանապարհները:
Տեղական ԶԼՄ-երը հաղորդում են, որ Դամասկոսի արևելյան և հարավային արվարձաններում կառավարական զորքերը շարունակում են մարտեր մղել զինված գրոհայինների ջոկատների դեմ:
«Սուրիա Ալ-Ան» տեղակատվական գործակալությունը, վկայակոչելով ռազմական աղբյուրներին, հաղորդել է, որ ռազմական գործողությունները շարունակվում են Արևելյան Ղուտայում, որտեղ կառավարական զորքերը հասել են էական արդյունքների:
SANA պետական տեղեկատվական գործակալությունը հաղորդել է, որ Սիրիայի կառավարական զորքերը ոչնչացրել են «Ջաբհաթ Ալ-Նուսրա» իսլամիստական խմբավորման տասնյակ գրոհայինների՝ Դամասկոսի Զամալեք, Դարաա և Շեյֆուֆի արվարձաններում:
