Միլանի նորաձևության շաբաթի հրավիրատոմսը 95 հազար դոլար մեկնարկային գնով դրվել է առցանց աճուրդի: Անհայտ սեփականատերը պատրաստակամություն է հայտնել 95 հազար դոլարի դիմաց հանձնել ցուցադրությանը հաճախելու իրավունքը: Այս մասին գրում է Artsy կայքը:
Լոտի արժեքի մեջ ներառվել է նաև ցուցադրությունն առաջին շարքերում դիտելու իրավունքը: Լոտի սեփականատերն այդ գնի դիմաց առաջարկել է նաև հետնաբեմի այցելություն: Արժեքի մեջ չեն մտել ցուցադրությունից հետո երեկույթի հրավիրատոմսերը:
Անհայտ վաճառողն իր առաջարկությունը բնութագրել է որպես «անգին»: Աճուրդի ավարտը նախատեսված է 2014-ի հուլիսի 26-ին, իսկ ցուցադրությանը կարելի է այցելել 2015-ի փետրվարին:
