Եվրոպական ուսումնասիրությունների կենտրոնի ղեկավար Արթուր Ղազինյանը վթարի չի ենթարկվել:
Ինչպես հայտնել էր shamshyan.com-ը, երեկ՝ նոյեմբերի 30-ին, ավտովթար է տեղի ունեցել Երևանում: Ժամը 23:30-ի սահմաններում, Դավիթաշեն վարչական շրջանի Տիգրան Պետրոսյան փողոցում, «Արայի ամրոց» ռեստորանային համալիրի դիմաց, բախվել են Երևան քաղաքի Դավիթաշեն 2-րդ թաղամասի բնակիչ, 26-ամյա Հայկ Հակոբջանյանի կողմից վարած «Մերսեդես Բենս E200» մակնիշի 29 ՕԼ 596 համարանիշի և Երևանի Դավիթաշեն 4-րդ թաղամասի բնակիչ 24-ամյա Արթուր Ղազինյանի վարած «Օպել Վեկտրա» մակնիշի 88 RR 909 համարանիշի ավտոմեքենաները:
Ի պատասխան այն խոսակցությունների, թե վթարի է ենթարկվել Եվրոպական ուսումնասիրությունների կենտրոնի ղեկավար Արթուր Ղազինյանը, «Առաջին լրատվական»-ը հայտնում է, որ խոսքը Եվրոպական ուսումնասիրությունների կենտրոնի ղեկավար Արթուր Ղազինյանի մասին չէ:
Եվրոպական ուսումնասիրությունների կենտրոնի ղեկավար Արթուր Ղազինյանի օրակարգն այս օրերին բավական հագեցած է, քանի որ հանդիպումներ է վարում Հայաստանում (ԵԺԿ) Արևելյան գործընկերության երկրների առաջնորդների գագաթնաժողովին մասնակցելու նպատակով Հայաստան ժամանած Եվրոպական հանձնաժողովի նախագահ Ժոզե Մանուել Բարոզուի մասնակցությամբ: Նշենք, որ այսօր առավոտյան Արթուր Ղազինյանը հանդիպում է վարել Մատենադարանի նոր մասնաշենքի նիստերի դահլիճում` Եվրոպական հանձնաժողովի նախագահ Ժոզե Մանուել Բարոզուի և հայաստանյան քաղաքացիական հասարակության ներկայացուցիչների մասնակցությամբ:
