Грузия Online-ի փոխանցմամբ` Վրաստանի գլխավոր դատախազությունը մտադիր է հեռակա կարգով մեղադրանքներ ներկայացնել Վրաստանի ՆԳՆ-ի սահմանադրական անվտանգության դեպարտամենտի ղեկավար Դատա Ախալայային և նրա տեղակալ Սոսո Տոպուրիձեին:
Այս մասին երեկ տեղի ունեցած հատուկ ճեպազրույցի ժամանակ հայտարարել է Վրաստանի գլխավոր դատախազ Արչիլ Կբիլաշվիլին: Վերջինիս խոսքերով` Դատա Ախալայային ու Սոսո Տոպուրիձեին մեղադրանք է ներկայացվելու քրեական օրենսգրքի 144-րդ հոդվածի 3-րդ կետով (կտտանքներ), 333-րդ հոդվածով (ծառայողական լիազորությունների չարաշահում) և 143-րդ հոդվածով (ապօրինի ազատազրկում):
Կբիլաշվիլին հայտարարել է, որ այդ գործերով հետաքննությունը մեկնարկել է նոյեմբերի 19-ին: