Ինչպես արդեն տեղեկացրել ենք, գերծանրքաշայինների պայքարում Հայաստանի ներկայացուցիչ Նարեկ Մելքոնյանը տեխնիկական նոկաուտով պարտության մատնեց Չինաստանի ներկայացուցիչ Չու Ֆուդինգին:
Մենամարտից հետո Նարեկի անձնական մարզիչ Պավլիկ Ղարսելյանը պատասխանեց լրագրողների հարցերին:
-Երկրորդ ռաունդում պարտվեցինք: Ի՞նչը կարողացաք փոխել:
-Չէի ասի, որ պարտվել ենք: Կարելի է ասել` հավասար մենամարտ էր: Չեմ ուզում մրցավարներին քննադատել, քանի որ եթե մարզիկը պարտվում է, դա իր մեղավորությունն է: Երկրորդ ռաունդից հետո երկու միավորով զիջում էր, բայց լսեց մեր խորհուրդներն ու հաղթեց, այն էլ տեխնիկական նոկաուտով:
-Գո՞հ եք մենամարտից:
-Ես երբեք չեմ ասում` գոհ եմ: Թե´ ես, թե´ մարզիկներս սովորելու բան ունենք: Իր սխալները կասեմ, որ հաջորդ մենամարտերում չկրկնի:
-Ի՞նչ ասացիք Նարեկին, որ կարողացավ բեկել մենամարտի ընթացքը:
-Ասացի, որ պետք է մինչև վերջ պայքարի և ժամանակից շուտ ձեռքերը չկախի:
-Ի՞նչ վնասվածք ստացավ հակառակորդը:
-Քիթը ջարդվեց:
-Սխաները որո՞նք էին:
-Սլաների մասին կխոսեմ իր հետ: Կարևորն այն է, որ մինչև վերջ պայքարես ու ժամանակից շուտ ձեռքերդ չկախես, ուշադիր լինես, որ վնասվածք չստանաս ու ավելորդ հարվածներ բաց չթողնես:
-Քանի՞ տարի եք մարզում Նարեկին:
-6 տարի:
