Ադրբեջանի իշխանությունները դիմել են Կարմիր Խաչի միջազգային կազմակերպությանը (ԿԽՄԿ) «Ադրբեջանի քաղաքացու» գերի ընկելու մասին տեղեկության կապակցությամբ:
ԿԽՄԿ-ում ադրբեջանական ներկայացուցչության հասարակական կապերի բաժնի ղեկավար Իլհամ Հուսեինովը APA գործակալությանը հաղորոդել է, որ դիմում խնդրել են, որ տեղեկատվության հաստատման դեպքում կազմակերպությունը օգտվի իր մանդատից և համապատասխան գործառույթներ իրականացնի:
Հիշեցնենք, ավելի վաղ Լեռնային Ղարաբաղի պաշտպանության նախարարությունը հաղորդագրություն էր տարածել, ըստ որի Քարվաճառում ադրբեջանական կողմը փորձել է դիվերսիա իրականացրել, սակայն պաշտպանության բանակի առաջապահ զորամասերի կողմից ձեռնարկված օպերատիվ գործողությունների արդյունքում հակառակորդի հետախուզադիվերսիոն խումբը ժամանակին հայտնաբերվել է, անդամների մի մասը ձերբակալվել, իսկ մյուսները փախուստի են դիմել: Ավելի ուշ ՊՆ-ն հրապարակեց ձերբակալվածներից մեկի՝ Գուլիև Շահբազ Ջալալօղլուի լուսանկարը:
Ադրբեջանի ՊՆ-ն հայտարարել է, որ իրենց զինված ուժերում նման անուն-ազգանունով մարդ չի ծառայում:
