Վրաստանի ՆԳՆ-ն կանխարգելել է միջազգային նարկոթրաֆինգի փորձը։ Բեռնատար մեքենայի խուզարկման ժամանակ, որը Ադրբեջանից Վրաստանի միջով Թուրքիա էր անցնում, ոստիկանները երեք տոննա հերոին պարունակող խառնուրդ են հայտնաբերել, ուրբաթ օրը հաղորդում է գերատեսչության մամլո կենտրոնը: Այս մասին է գրում RIA Novosti-ն:
«Այս քանակի թմրանյութի բռնագրավումն աննախադեպ է Վրաստանի համար: Նախնական տվյալներով՝ բռնագրավված թմրանյութը 80%-ով բաղկացած է մաքուր հերոինից, որի շուկայական արժեքը հարյուր միլիոնավոր դոլարներ է կազմում»,-նշում է ՆԳՆ-ն:
Թմրանյութը տեղափոխվել է 30-լիտրանոց 93 տարաներում:
Իրավապահները ձերբակալել են Վրաստանի երկու քաղաքացիների: