Թուրքիայում պատմության մեջ էլեկտրաէներգիայի օգտագործման ռեկորդային ցուցանիշ է գրացվել, որն ավելի քան 807 միլիոն կՎտ/ժ է կազմել, ուրբաթ օրը հաղորդել է թուրքական Anadolu գործակալությունը՝ հղում անելով երկրի էներգետիկայի և բնական ռեսուրսների նախարար Թաներ Յըլդըզի հայտարարությանը:
«Թուրքիայում էլեկտրաէներգիայի օգտագործման նախորդ ռեկորդային ցուցանիշը գրացվել էր 2012 թ., այդ ժամանակ մեկ օրում 799 միլիոն կՎտ/ժ էլեկտրաէներգիա է օգտագործվել: Երեկ նոր ռեկորդ է սահմանվել՝ 807,813 կՎտ/ժ>,- ասել է նախարարը:
Թաներ Յըլդըզը էլեկտրաէներգիայի ծախսի ռեկորդային ցուցանիշի պատճառ է համարում Թուրքիայի տարծքում հաստատված աննախադեպ տապը, որի պատճառով ավելացել է օդորակիչների օգտագործումը, ինտենսիվացել են դաշտերում ոռոգման աշխատանքները: Ամենից շատ էլեկտրաէներգիա է օգտագործվել Ադաբազար-Բուրսայի շրջանում:
Նախարարը կոչ է արել բնակչությանը խնայել էներգառեսուրսները և ավելացրել, որ մոտակա օրերին Թուրքիայում էլ ավելի շատ էլեկտրաէներգիա կօգտագործվի, քանի որ ջերմաստիճանն ավելի կբարձրանա:
«Անկասկած, մենք մեծ ուշադրությամբ հետևում ենք մեր կայաններին և պատրաստ ենք երկրին անհրաժեշտ ծավալով էլեկտրաէներգիա մատակարարել, սակայն կոչ եմ անում բնակչությանը հնարավորինս տնտեսել այն»,- ընդգծել է քաղաքական գործիչը:
Ի դեպ, թուրք օդերևութաբանները նախազգուշացնում են, որ շոգերը կշարունակվեն և կուժեղանան։ Երկրում ջերմաստիճանը չի գերազանցում միջին վիճակագրական տվյալները: