Մադրիդի «Ռեալ»-ի գլխավոր մարզիչ Ժոզե Մոուրինյոն խոսել է իր և «Ռեալ»-ի նախագահ Ֆլորենտինո Պերեսի փոխհարաբերությունների մասին՝ անդրադառնալով նաև առաջիկա՝ «Ալկոյանո»-ի դեմ հանդիպմանը:
«Մենք պետք է կենտրոնանանք առաջիկա խաղին: Միանշանակ, ցանկացած թիմ արժանի է հարգանքի: Մենք պիտի հարգենք թեʹ մեր երկրպագուներին, թեʹ մրցակցին, թեʹ ինքներս մեզ: Ուղղակի պարտավոր ենք լավ հանդես գալ:
Վստահեցնում եմ ձեզ, որ ես շատ, շատ, շաʹտ լավ փոխհարաբերություններ ունեմ Ֆլորենտինո Պերեսի հետ: Ցանկանում եմ շեշտել, որ լավ փոխհարաբերություններ ունեմ թիմի բոլոր ղեկավարների հետ, իսկ եթե մենք գաղափարական տարբեր մակարդակներ ունենք ու տարբեր կերպ ենք մտածում, ինչ ասեմ, կյանքն է այդպիսին»,- ասել է Մոուրինյոն:
