Իրավապաշտպանները կոշտ քննադատության են ենթարկել հարավկորեական Samsung ընկերությանը՝ Չինաստանի գործարաններում Աշխատանքային օրենսգիրքը խախտելու համար: Այս մասին հայտնում է Reuters գործակալությունը:
«Առավել վատ իրադրություն է Դունգուան նահանգի Samsung-ի գործարանում, որտեղ աշխատում են ամսական 220 ժամ»,-ասվում է China Labor Watch իրավապաշտպան կազմակերպության հատարարությունում:
Samsung-ը չի հերքել իր հասցեին հնչած մեղադրանքը և խոստացել է մինչև 2014 թվականի ավարտը կարգավորել բոլոր խախտումները:
Ընկերության և իրավապաշտպան կազմակերպության` 105 չինական գործարաններում (ավելի քան 65 հազար աշխատող) համատեղ ստուգումների արդյունքում ի հայտ են եկել բազմաթիվ խախտումներ:
Գործարաններից մեկում աշխատել են 16 տարեկանից ցածր 7 երեխաներ, օրական 16 ժամ աշխատաժամով, ոմանք ամսական մեկ հանգստյան օր են ունեցել, իսկ ուշացումների համար կիրառվել են տուգանքներ:
