ԵՄ խորհրդի նախագահ Հերման Վան Ռոմպեյը ոչ միայն պատասխանատու պաշտոն է զբաղեցնում, այլև հանդիսանում է իսկապես ստեղծագործող անձնավորություն: ԵՄ բյուջեի քննարկումից մի քանի օր անց Ռոմպեյը Twitter-ի իր միկրոբլոգում տեղադրել է սեփական ստեղծագործությունը` խայկա (ճապոնական քնարերգական եռատող): Բանաստեղծության մոտավոր թարգմանությունը հնչում է այսպես. «Աշուն, նոյեմբերի վերջ, գիշեր է եկել: Կարելի է տեսնել մերկ ճյուղեր: Միանգամայն մենակ եմ մնացել»:
ԶԼՄ-ներն այդ տխուր տողերը կապում են գագաթնաժողովի ձախողման պատճառով ԵՄ ղեկավարի մռայլ տրամադրության հետ: Ձախողված գագաթնաժողովի ընթացքում ծրագրվում էր ընդունել ԵՄ միասնական բյուջեն 7 տարի ժամկետով: Ռոմպեյի խոսքով՝ 2014-2020թթ. բյուջեի ընդունման աշխատանքները կշարունակվեն առաջիկա շաբաթներին:
63-ամյա քաղաքական գործիչը այդ ոճով բանաստեղծություններ է գրում 2004 թվականից: Նա արդեն մեկ հավաքածու հրատարակել է:
