Nokia-ն կորցրել է հերթական փորձառու աշխատակցին: Ֆիննական ընկերությունը լքելու որոշման մասին հայտարարել է ավագ մենեջեր Դամիան Դինինգը, որը պատասխանատու է ֆոտոխցիկների մշակման և պատկերների հետ աշխատանքի համար, ում անվան հետ է կապված Nokia-ի այնպիսի մոդելների ստեղծումը, ինչպիսիք են Nokia N8, Nokia 808 PureView և Nokia Lumia 920-ն: Բավական է հիշել միայն, թե տեղեկատվական հասարակության հասարակության մեջ ինչպիսի աղմուկի և հակասական մտքերի տեղիք տվեց Nokia 808 PureView-ի 41 մեգապիքսել ունեցող հեռախոսը:
Nokia-ի բրիտանական մասնաճյուղի հայտարարության մեջ այդ քայլը նշվում է որպես նրա անձնական որոշում: Դինինգը PureViewClub-ի ներկայացրած հայտարարության մեջ նշում է, որ հետագայում իր քայլերը կուղղորդի դեպի Jaguar Land Rover: