Սաուդյան Արաբիան, Բահրեյնը, Քուվեյթը և Կատարը բանակցություններ կվարեն ԱՄԷ-ի և Օմանի հետ`Պարսից ծոցի արժութային միության համագործակցության խորհուրդ մտնելու համար: Արժույթային միության համագործակցության խորհրդի անդամ երկրները հույս ունեն, որ այդ բանակցությունների արդյունքները թույլ կտան այդ տարածաշրջանում միասնական արժույթ սահմանելու ծրագրերն իրականացնել, ինչպես նաև 2015-ին միասնական Կենտրոնական բանկ ստեղծել:
Արժութային միությունն իր գործունեությունը սկսել է 2010-ին, սակայն այս առումով ԱՄԷ-ի և Օմանի ճակատագրի վերաբերյալ նախնական քննարկումների ընթացքում նրանք հրաժարվեցին անդամակցել կազմակերպությանը: Արժութային միության վերջանակն նպատակը պետք է դառնար մեկ արժութային միավորի` հալիջի ստեղծումը, որին կհետևեր ընդհանուր կենտրոնական բանկի ստեղծումը:
Միասնական արժույթի սահմանումը կարող է ապահովել փոխադարձ առևտրի ծավալների հետագա աճը պետությունների միջև, որը ներկա դրությամբ գերազանցում է 92 մլրդ դոլարը, իսկ 2014-ի ընթացքում 5 տոկոս աճ է սպասվում: Աճը կապահովվի անդամ-երկերների միջև ֆինանսական տուրքերի նվազեցմամբ:
Սպասվում է նաև, որ միասնական արժույթի սահմանումը կբարձրացնի տարածաշրջանային շուկաների գրավչությունը օտարերկրյա ներդրումների համար` տարածաշրջանում ամրապնդելով քաղաքական կայունությունը: