Մեծ Բրիտանիայում ուսուցչի օգնականը 800 հազար ֆունտ սթեռլինիգի ռեկորդային փոխհատուցում է ստացել աշխատավայրում մատը վնասելու դիմաց։ Այս մասին հաղորդում է Daily Mail-ը:
Պարբերականը նշում է, որ սա ամենամեծ փոխհատուցումն է, որ երբևէ վճարվել է կրթության ոլորտում:
Ջուլիա Էն Հադարթը վնասել է մատը, երբ փորձել է տեղափոխել հաշմանդամի սայլակը: Բժիշկները նրա մոտ ախտորոշել են նյարդային համակարգի աշխատանքի խախտում, որն ուղեկցվում է ցավով և այտուցներով:
Դեպքը տեղի է ունեցել 2003 թ., սակայն միայն հիմա է Լանկաշիր կոմսության խորհուրդը որոշում կայացրել կնոջը 800 հազար ֆունտ սթեռլինիգի փոխհատուցում վճարելու մասին: Բրիտանուհին կստանա նաև 140 հազար ֆունտ սթեռլինգ՝ դատական ծախսերի համար:
Պարբերականը գրում է, որ ընդունված որոշումն առաջացրել է պատերազմի վետերանների և հանցագործությունների զոհերի զայրույթը, որոնք իրենց վերքերի դիմաց անհամեմատ քիչ գումար են ստացել։
