Ֆրանսիայի Վիճակագրության և տնտեսական հետազոտությունների ազգային ինստիտուտի (INSEE) վերջին սոցիոլոգիական հետազոտությունների համաձայն` վերջին տարիներին «Փարիզի բնակչի» կերպարն արմատապես փոխվել է: Ներկայումս ֆրանսիացիների և այլ եվրոպական քաղաքների բնակիչների մոտ «բնիկ փարզեցու կերպարը» զուգորդվում է Մագրիբի (Մարոկկոյից, Թունիսից, Ալժիրից) և Կենտրոնական Աֆրիկայի երկրներից ներգաղթած մահմեդականի կերպարի հետ: Այս մասին հայտնում է islamenfrance.fr պորտալը:
INSEE-ի փորձագետների եզրակացության համաձայն` սա անկանխատեսելի չի կարելի համարել, որովհետև օտարերկրացի բնակչության թվով Ֆրանսիայի մայրաքաղաքն առաջատար է: Ներկայումս Փարիզի 18-50 տարեկան մշտական բնակիչների 38%-ը ներգաղթյալներ են` մուսուլմաններ` 20% կամ ներգաղթյալ մուսուլմանների սերունդներ` 18%:
Այսպիսով, Փարիզի օտարեկրացի բնակչության թիվը, երկրի այլ քաղաքների համեմատությամբ, 15%-ով մեծ է:
INSEE-ի հետազոտության համաձայն` Փարիզի ներգաղթյալ մուսուլմանների 52%-ը երիտասարդ, բարձր որակավորմամբ կանայք են, որոնք հիմնականում աշխատում են մտավոր աշխատանքի ոլորտում, մշտապես հիջաբ են կրում, չեն պատրաստվում հայրենիք վերադառնալ և դեմ չեն օտարերկրացու հետ ընտանիք կազմելուն:
INSEE-ի հոգեբանները կազմել են տիպիկ փարիզցի ներգաղթյալի` մուսուլմանի հոգեբանական կերպարը` որը, մասնավորապես, շատ կայուն է ընկճախտի նկատմամբ և նպատակասլաց:
