Մեքսիկայի ղեկավար Ֆելիպե Կալդերոնը, ով իր պաշտոնը լքում է նոյեմբերի 30-ին, ցանկանում է փոխել պետության պաշտոնական անվանումը Մեքսիկայի Միավորված Նահանգներից այն վերանվանելով ուղղակի Մեքսիկայի: Կալդերոնը մինչև իր լիազորությունների ավարտն այդ առաջարկը կներկայացնի խորհրդարանին:
Ըստ լրատվամիջոցների՝ Կալդերոնն ասել է, որ «Մեքսիկա» անունը ցույց է տալիս երկրի բուն էությունը։
Այդ անունը հնդկական ծագում ունի՝ ացտեկների «մեշիկա» ցեղն իր անունն է տվել երկրին, որն ավելի ուշ վերանվանվել է Մեքսիկա: