Irib News-ի փոխանցմամբ՝ Իրաքի վարչապետ Նուրի ալ-Մալիքին իր թուրք գործընկեր Ռեջեփ Էրդողանին խորհուրդ է տվել չմիջամտել Իրաքի ներքին գործերին և սեփական ջանքերը կենտրոնացնել Թուրքիայի խնդիրների լուծման համար:
Մալիքին այս հայտարարությունն արել է ի պատասխան Էրդողանի այն հայտարարության, թե Իրաքի կառավարության գործողությունների պատճառով երկիրը գտնվում է քաղաքացիական պատերազմի շեմին: Այս կապակցությամբ Մալիքին հայտարարել է.
«Բուն Թուրքիայում առաջացել է վտանգավոր իրավիճակ, և մենք պարոն Էրդողանին խորհուրդ ենք տալիս զբաղվել ազգային փոքրամասնությունների խնդիրներով և դադարեցնել միջամտությունն այլ երկրների ներքին գործերին, քանի որ այդպիսի քաղաքականությունը է թուրք ժողովրդի ու թուրքական կառավարության համար հղի է լուրջ խնդիրներով:
Մենք կարող ենք վստահեցնել պարոն Էրդողանին, որ Իրաքի ժողովրդի զգոնության շնորհիվ տեղի չի ունենա քաղաքացիական պատերազմ, և Բաղդադը թույլ չի տա, որ Էրդողանի սանձազերծած նավթային պատերազմը հասնի իր նպատակներին»:
