Հռոմում Հովհաննես Պողոս II պապի հուշարձանի սկզբնական տարբերակը, որը հանրությունը հնարավորություն էր ունեցել գնահատել 2011-ի մայիսին, լուրջ վեճերի ու հակասությունների պատճառ էր դարձել: Իտալական հասարակության մի մասի կարծիքով՝ 5 մետրանոց բրոնզե արձանի դեմքն ավելի շատ համապատասխանում էր բռնապետ Բենիտո Մուսոլինիի կերպարին: Այս մասին հայտնում է La Repubblica-ն:
«Հուշարձանի նորացված տարբերակի դեմքի արտահայտությունը ավելի մեղմ է, նրանում ընգծված չէ Մուսոլինիին բնորոշ խստությունը»,-հայտարարել է հուշարձանի հեղինակ, քանդակագործ Օլիվիերո Ռաինալդին:
Չնայած վերափոխումներին՝ շատ իտալացիներ այն նախկինի պես համարում են ոչ գեղեցիկ՝ գրում է իտալական պարբերականը:
