Կոկաինի ու հերոինի օգտագործման նվազման ֆոնին Եվրոպայի երկրները ավելի շատ են հարմարվում սինթետիկ թմրամիջոցներին ու առաջին տեղն են զբաղեցնում կանեփի արտադրության մեջ: Այս մասին հայտնում է «Գոլոս Ռոսիի» ռադիոկայանը:
Այդ միտումը նշված է Թմրամիջոցների ու թմրամոլության մոնիտորինգային եվրոպական կենտրոնի (The European Monitoring Centre for Drugs and Drug Addiction, EMCDDA) 2012թ. զեկույցում:
Ըստ Թմրամիջոցների ու թմրամոլության մոնիտորինգային եվրոպական կենտրոնի՝ ամենավտանգավոր փաստը սինթետիկ թմրամիջոցների նկատմամբ պահանջարկի մեծացումն է: Դրանք «ավելի դժվար է կառավարել», քանի որ այդ նյութերը հնարավոր է աճեցնել նաև տնային լաբորատորիաներում, ու անձամբ թմրամոլները «ոչ միշտ են տեղեկացված այն ռիսկերի մասին, որոնց հետ բախվում են» «կայֆի» նոր տեսակների փնտրտուքում:
Ընդ որում՝ «սինթետիկ թմրանյութի» շուկան աճում է երկրաչափական պրոգրեսիայով՝ միայն 2012թ. հայտնվել է 50 նոր թմրատեսակ: Դրանց մեծամասնությունը ազդեցությամբ ու կիրառման եղանակով նման է կոկաինին ու ամֆետամինին:
Եվրոպայում նաև տարածված են, այսպես կոչված, կանեփանմանները՝ «սփայսերը», ծխելու խառնուրդներ, որոնք երկար ժամանակ օրինական էին: Դրան հավելվում է նաև «չափաբաժնի» գնման դյուրությունը՝ այն հնարավոր է անել մկնիկի մի քլիքի միջոցով:
Ամենահայտնի թմրանյութերի տասնյակում, որոնք հնարավոր է գնել համացանցում, 3-ը բնական միջոցներ են, 7-ը՝ սինթետիկ: Զեկույցի հեղինակների խոսքով՝ 15-64 տարեկան 11,5 մլն եվրոպացիներից մեկը կյանքում գոնե մեկ անգամ փորձել է «դեղահաբեր»:
Հարկ է նշել, որ եվրոպացի թմրամոլների «սիրած» թմրանյութը կանեփն է: Թվերը, որոնք բնութագրում են այդ թմրատեսակի օգտագործումը, սարսափեցնող են՝ 80,5 մլն մարդ թեկուզ մեկ անգամ կյանքում փորձել է, 23 մլն-ը՝ միայն այս տարի են օգտագործել կանեփ, իսկ 3 մլն-ն ամեն օր է օգտագործում կանեփ ու հաշիշ:
Այդ մեծ պահանջարկի հետևանքով Եվրոպայում կա միտում՝ «արտահանել» կանեփը: ԵՄ-ում ավելի շատ կանեփի խմբաքանակ է արտադրվում, քան Մերձավոր արևելքի երկրներում:
