ԱՄՆ-ի Կոլորադո նահանգի կինոթատրոնում հուլիսի 20-ին՝ Բեթմենի մասին ֆիլմի ցուցադրության ժամանակ սպանդ իրականացրած հանցագործի զոհերի ընտանիքները 5.3 միլիոն դոլար փոխհատուցում են ստացել հատուկ հիմնադրամից: Այս մասին հաղորդում է Vesti-ն՝ վկայակոչելով ֆոնդի հիմնադիր Քեն Ֆեյնբերգին:
Ֆեյնբերգը նշել է, որ իրենք ավարտին են հասցրել փոխհատուցումները վճարելու գործընթացը: Հիմնադրամին, նրա խոսքերով, գումար են ուղարկել շարքային ամերիկացիները:
«Զոհերի ընտանիքներին վճարվել է 220 հազար դոլար փոխհատուցում: Նույնքան գումար է վճարվել լուրջ վնասվածքներ ստացած մարդկանց ընտանիքներին»,- ասել է Ֆեյնբերգը:
Բացի այդ, նշվում է, որ ևս 21 մարդ 35-91.7 հազար դոլար փոխհատուցում են ստացել` կախված ստացած վերքերի ծանրությունից:
Հիշեցնենք, հուլիսի 20-ին 24-ամյա Ջեյմս Հոլմսը կրակ էր բացել Դենվերի կինոթատրոնում Բեթմենի մասին ֆիլմի պրեմիերայի ժամանակ, ինչի հետևանքով զոհվել էր 12 մարդ:
