Իսրայելի ագրեսիայի նպատակն անկախ պաղեստինյան պետության ձևավորմանը խոչընդոտելն է:
«Հենց ամենասկզբից մենք զգում էինք, որ Իսրայելը ծրագրում է մեր ժողովրդին վնաս հասցնել և արդյունքում տապալել մեր պետության ձևավորումը: Սպանություններն արդեն սկսվել են, և մենք տեսել ենք մեր էկրաններին զոհված երեխաների»,- հայտարարել է Պաղեստինի ազգային վարչակազմի ղեկավար Մահմուդ Աբբասը, ում մեջբերում են համացանցային-ԶԼՄ-ները:
«Հակամարտության լարվածությունը հասել է իր գագաթնակետին ինչպես Գազայի հատվածում, այնպես էլ դրանից դուրս»,- հավելել է նա:
Ինչպես հաղորդվել է, ուրբաթ օրը Իսրայելի ռազմաօդային ուժերը առնվազն 130 հարված են հասցրել Գազայի հատվածին:
ՄԱԿ–ի գլխավոր քարտուղար Պան Գի Մունը մտադիր է ժամանել պաղեստինյան տարածքներ երկու կամ երեք օրից։ Ուրբաթ օրն այս մասին հայտարարել է Աբբասը:
