Մյանմարի իշխանությունները կարգադրել են համաներմամբ ազատ արձակել ավելի քան 450 բանտարկյալի: Այդ մասին, ինչպես հաղորդում է BBC-ն, հայտարարվել է հաջորդ շաբաթ նախատեսված Օբամայի այցի նախաշեմին:
Դեռևս հայտնի չէ, թե ազատ արձակվողներից քանիսը կլինեն քաղբանտարկյալներ: Իրավապաշտպան խմբերը կարծում են, որ ճաղերի ետևում են գտնվում առնվազն 300, այսպես կոչված, «խղճի բանտարկյալներ»:
Սա կլինի ԱՄՆ նախագահի առաջին այցն ասիական այդ երկիր՝ իր ողջ պատմության ընթացքում:
Ինչպես և սպասվում է, Մյանմարում Օբաման կհանդիպի երկրի նախագահ Տեյն Սեյնի և Խաղաղության Նոբելյան մրցանակակիր Աուն Սան Սու Չժիի հետ: