Կենտրոնական հետախուզական վարչության նախկին տնօրեն Դևիդ Պետրեուսը, ով անցած շաբաթ հրաժարական էր տվել արտամուսնական կապի բացահայտման պատճառով, կմասնացկի ԱՄՆ կոնգրեսի սենատի՝ հետախուզության մասին լսումներին, որը նվիրված կլինի Բենղազիում ամերիկյան հյուպատոսարանում վերջերս տեղի ունեցած ողբերգությանը:
ԿՀՎ-ի ղեկավարն անցած շաբաթ հրաժարական էր տվել: Պետրեուսի և նրա սիրուհու հարաբերությունները Հետաքննության դաշնային բյուրոյի ուշադրության կենտրոնում էին հայտնվել Տամպա քաղաքում ապրող 37-ամյա Ջիլ Քելիի բողոքից հետո, ով գեներալի ընտանիքի ընկերն է և, ըստ ԶԼՄ-ների, Բրոդուելից իր հասցեին սպառնալիքներով նամակներ է ստացել:
«Պարոն Պետրեուսը լսումների ժամանակ ելույթ ունենալու պատրաստակամություն է հայտնել: Նա պատրաստ է ելույթ ունենալ, այնպես որ վերամշակում ենք մանրամասները»,-լրագրողներին չորեքշաբթի օրը հայտարարել է հանձնաժողովի նախագահ Դայան Ֆայնստայնը:
Նա հայտնել է, որ լսումները տեղի կունենան մոտ ապագայում, սական ստույգ տվյալներ դեռ չկան:
Ըստ նախնական ծրագրերի՝ հինգշաբթի օրվա փակ լսումների ժամանակ Պետրեուսը հանդես կգա հանձնաժողովի անդամների առջև: