Ոչ ոք Ռուսաստանի հետ էներգետիկ համագործակցությունից չի հրաժարվի, հայտարարել է ՌԴ նախագահ Վլադիմիր Պուտինը Արխանգելսկում ուսանողների հետ հանդիպման ժամանակ: Այս մասին է գրում ITAR-TASS-ը:
Պատասխանելով ուսանողներից մեկի հարցին, արդյոք ոչ միանշանակ միջազգային իրադրության պայմաններում կշարունակվի ուսանողական մակարդակում միջազգային համագործակցությունը, երկրի ղեկավարը պատասխանել է, որ այն, անկասկած, կշարունակվի:
«Իրավիճակը միշտ էլ բարդ է: Այն ե՞րբ է հանգիստ լինում: Երբ մեզ հումանիտար օգնություն են ուղարկում: Հենց որ Ռուսաստանն ավելի ուժեղ է դառնում, չգիտես ինչու իրավիճակը բարդանում է: Մենք միշտ էլ կհամագործակցենք, և մեզ հետ էլ կհամագործակցեն, ես նույնիսկ չեմ էլ կասկածում»,- ավելացրել է նախագահը:
Նրա խոսքերով՝ Արկտիկայում ռուսական պահուստների նկատմամբ հետաքրքրությունն ուղղակի հսկայական է: «Այն ուղղակի համամոլորակային է: Կարելի է առանց չափազանցությունների ասել, որ մարդկությունը ստիպված կլինի օգտագործել համաշխարհային պահուստները, իսկ դա նշանակում է, որ մենք միասին ենք աշխատելու: Մենք ոչ ոքի չենք վանում և ակտիվ համագործակցում ենք»,- հայտարարել է Պուտինը: Նա նշել է, որ էներգետիկ շուկան շատ բաց է:
Հունիսի 8-ին Բուլղարիան հայտարարել է «Հարվային հոսքի» աշխատանքների դադարեցման մասին: Դա տեղի է ունեցել ամերիկացի սենատորների խմբի հետ բանակցություններից հետո:
Այդ որոշմանը նախորդել են ԵՄ-ն կողմից որոշ հայտարարություններ:
Հունիսի 2-ին ԵՄ-ը հայտարարել է ԵՄ-ն երկրներում՝ առաջին հերթին Բուլղարիայում, «Հարավային հոսքի» ծրագրի իրականացման դադարեցման մասին:
Հունիսի 4-ին Եվրահանձնաժողովի նախագահ Ժոզե Մանուել Բարոզուն պատժամիջոցներով է սպառնացել ԵՄ-ն այն երկրներին, որոնք մասնակցում են գազատարի կառուցմանը:
