Սև և շագանակագույն քթիկներ, երկար ու կարճ լեզուներ՝ հենց այս տարբեր քթերն ու լեզուներն են, որ իրենց ձևով, գույնով ու չափով հիասքանչ են դարձնում շներին որպես լուսանկարչության օբյեկտներ: Այս մասին հայտնում է Boredpanda.com-ը:
Ներկայացվող ֆոտոշարքի հեղինակը Քեյլի Գրիերն է, ով մեծ կիրք է տածում լուսանկարչության հանդեպ՝ շներին լուսանկարելը դարձնելով իր սեփական բիզնեսը:
28-ամյա բոստոնցի կնոջ մոտ շներին լուսանկարելու սերն առաջացել է քոլեջում և չի նահանջում առ այսօր: Նրա մոտ դա վերածվել է կենսակերպի:
Նա շաբաթական 80 ժամ շրջում է ԱՄՆ-ով՝ մասնավոր և կոմերցիոն նկարահանումների համար: Շներին լուսանկարելով՝ նա ապրում է, սնվում, քնում ու շնչում: «Աշխարհում դա իմ ամենասիրելի բանն է»,- ասել է նա: Կինը շների մեջ գտել է ոգեշնչման հզոր աղբյուր:
