Հունիսի 7-ը Վատիկան քաղաք-պետության ծննդյան օրն է՝ գրում է korrespondent.net-ը:
Վատիկանը իր ներկայիս տեսքով ստեղծվել է 85 տարի առաջ:
Մինչև 1970թ. պապերը կառավարել են Հռոմը և քաղաքին հարակից Ռոմանյա մարզը: Սուրբ Գահը բոլոր ջանքերով պայքարում էր Իտալիային միանալու դեմ: Միայն այն բանից հետո, երբ տապալվեց ֆրանսիացի կայսր Նապոլեոն III-ը, Իտալական թագավորությունը կարողացավ իրեն միացնել պապերի մարզը և մայրաքաղաքը Թուրինից տեղափոխել Հռոմ:
Գրեթե կես դար եկեղեցու և քաղաքացիական իշխանություն միջև հարաբերությունները լարված էին: Իտալացիների հոգևոր և հայրենասիրական զգացմունքների միջև պայքար էր մղվում:
Պետության զիջումների արդյունքում կնքվեց Լատերանյան պայմանագիրը, որի համաձայն՝ կաթոլիկությունը ստացավ պետական կրոնի պաշտոնական կարգավիճակ, կառավարության ֆինանսական օգնություն և կրթական համակարգում հատուկ դեր:
Դանից բացի՝ պապերն ստացան առանձին ինքնավար պետություն, թեկուզ աշխարհում ամենափոքրը, որն ընդամենը մի քանի թաղամասեր ունի:
Հաստատվեց նաև, որ պապը ամբողջ աշխարհին է պատկանում, և որ նա չի կարող լինել միայն Իտալիայի քաղաքացի:
