«Մենք սկսել ենք օգտագործել խոսքեր, որոնք այլևս ոչինչ չեն նշանակում՝ վարչապետ, կառավարություն , խորհրդարան․ այս ամենը յուրահատուկ և բնորոշ է անկախ երկրին: Հայաստանը արդեն ոչ միայն չարախոսների, այլ նաև միջազգային հասարակության համար այլևս իրենից չի ներկայացնում անկախ պետականություն»,- «Առաջին լրատվական»-ի հետ զրույցում նման տեսակետ հայտնեց «Նախախորհրդարան» քաղաքացիական շարժման անդամ Տիգրան Խզմալյանը:
Նա մեզ հետ զրույցում անդրադարձավ առաջին նախագահ Լևոն Տեր-Պետրոսյանի վերջին հոդվածին և հատկապես այն դրույթին, թե Սերժ Սարգսյանի նախաձեռնած սահմանադրական փոփոխությունների հայեցակարգը ճղճիմ հաշվարկի վրա կառուցված թափանցիկ պատգամ է՝ հասցեագրված Գագիկ Ծառուկյանին և «Բարգավաճ Հայաստան»-ին, ու ասաց․ «Ես շնորհավորում եմ երկրի առաջին կամ ինչպես հաճախ ասում են՝ հիմնադիր նախագահին և մեզ բոլորիս, որ նրա քաղաքական գործառույթը դարձել է ԲՀԿ-ի և նրա ղեկավարի փաստաբան լինելը: Ես չգիտեմ՝ ԲՀԿ-ն ունի՞ դրա կարիքը, թե՞ ոչ, մեկնաբանել բավական դժվար է: Ես կարծում եմ՝ մեր առջև շատ ավելի կարևոր խնդիր կա…»:
Մանրամասները՝ մեր տեսանյութում։
